الكلية الحربية - كشــــــــــف الهيئة

بسم الله الرحمن الرحيم

كشــــــــــف الهيئــــــــــــــــــة :

===================

هنتكلم النهارده عن كشف مهم جدااّ وهوا الهيئه اللى يعتبر اهم اختبار فى الكليه الحربيه هتدخل طبعاّ لابس البنطلون الاسود والقميص الابيض النص كم والجزمه السوده والحزام الاسود وياريت متلبسش ساعه هتروحو تقعدو فى مكان واسع كدا عشان فيه صف ظابط هيجى يقولكم هتعملو ايه وهيقول مين اللى مترشحش جويه بعد الطبى وهيمضيه على اقرار انه يروح يكشف جويه فى تاريخ محدد وف هذه الحاله هيقول للواءات فى كشف الهيئه مرشح للجويه منتظر المهم هيقولكم اللى كان علمى رياضه وجايب فوق90% هيقول رغبته فنيه عسكريع الاول وبعدين اى كليه تانيه واللى كان علمى رياضه بردو وجايب 88% هيقول دفاع جوى واللى ااقل هيقول اما حربيه او بحريه بشرط انه يكون عام 50 متر فى اليوم الرياضى عشان يقول بحريه سواء رغبه اولى او تانيه وبعدين هتمشو كلكم مشيه عسكريه وتروحو لحد مكان قاعه تانيه كدا بس هتقعدو فوق ال3 ساعات عشان كل شويه هينادى شوية اسماء يروحو معاه لمقر الكشف وهناك هيعرفك درجتك فى الاختبار الرياضى وبعدين هتقفو بترتيب معين على حسب ترتيب الورق اللى مع اللوءات جوه وكل واد لما يسمع جرس كدا بيكون اللى قبله طلع بيدخل هوه هيقف الوقفه العسكريه اللى هيا(ايدك فى جنبك مضمومه ورجلك مفتوحه7) وبعدين اللواء عصمت مراد هيقولك اتفضل يابنى عرف نفسك هتقول ال7 حاجات دى ومتحاولش تلغبط فى الترتيب او تتلخبط فى الكلام عشان كل لوا من اللى قاعدين حواليك كل واحد ماسك قلم وبيسجلك من حيث الوقفه والكلام وكل حاجه انت مش متخيلها وهتقول بقى
1-رقم قيدك
2-اسمك
3-شعبتك فى الثانويه العامه
4-مجموعك فى الثانويه العامه
5-موقفك من الكليه الجويه
6-درجتك فى الاختبار الرياضى
7-رغباتك (بيكون ليك رغبتين اتنين بس )
وبعدين ممكن يسالك سؤال عشان يشوف رد فعلك ايه
وومكن لما يلاقيك واثق من نفسك وانت بتقول السبع حاجات دول مش بيسالك وبعد متخلص سواء سالك او مسالكش بيقولك اتفضل يابنى وبتلف وتمشى ماشيه عاديه خالص مش عسكريه بس متتمرقعش لان فيه كاميرا مراقباك لحد متطلع بره خالص
وربنا يوفق الجميع

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

- و هو عبارة عن مقابلة شخصية لكل طالب على حدة نجح في كافة الاختبارات السابقة لهذا الاختبار لمناقشته و سؤاله عن أسباب رغبته في الالتحاق بالكليات و المعاهد العسكرية و تحديداً الكلية التي يرغب الطالب في الالتحاق بها.

- تكون المقابلة أمام السادة مديرين الكليات العسكرية و المعاهد العسكرية و أحياناً يحضرها السيد القائد العام للقوات المسلحة وزير الدفاع و الإنتاج الحربي.

- في البداية يدخل الطالب أمام السادة مديرين الكليات و المعاهد العسكرية و يقوم بذكر بعض البيانات عن نفسه كالاسم و السن و العنوان و المؤهل و المجموع و الشعبة ( علمي رياضة - علمي علوم - أدبي ) و كذلك الشعبة بالنسبة للحاصلين على الدبلوم الصناعي و ترتيب رغبات الطالب في الكليات التي يريد الالتحاق بها ثم أخيراً ما حصل عليه الطالب من درجات في الكشف الرياضي.

- يقوم السيد مدير الكلية الحربية و مدير مكتب التنسيق للكليات و المعاهد العسكرية بتوجيه بعض الأسئلة للطالب قد تتعلق بعض البيانات المكتوبة في ملفه أو بعض الأسئلة الشخصية و المعلومات العامة عن جمهورية مصر العربية و كيفية تصرفه في بعض المواقف المعينة.

- بعد ذلك يمكن أن يتحدث باقي مديرين الكليات و المعاهد العسكرية مع الطالب و خاصة مدير الكلية التي يرغب الطالب في الالتحاق بها و يوجه له بعض الأسئلة عن أسباب رغبته في الالتحاق بهذه الكلية تحديداً.

- يحدث كثيراً أن يدخل الطالب و يقوم بذكر البيانات الأساسية المذكورة بعاليه و لا يتم توجيه أي سؤال أو استفسار له بواسطة السادة مديرين الكليات و المعاهد العسكرية و لا يعني ذلك إطلاقاً رسوب الطالب و عدم تخطيه الاختبار.

- بعد الانتهاء من توجيه الأسئلة يقوم السيد مدير الكلية الحربية للطالب بإعطاء الإذن للطالب بالانصراف و دخول الطالب الذي يليه.

- نتيجة الاختبار تكون بعدها بفترة قد تمتد لشهر أو اكثر قليلاً و ميعادها موحد لجميع الطلبة الذين دخلوا الاختبار.

- يتم تحديد ميعاد لآداء كشف العرض العام للطلبة الناجحين في كشف الهيئة.

_____________________________________

نصائح للطلبة المتقدمين لآداء الاختبار :

- يجب على الطالب الحضور في اليوم المحدد و التوقيت المحدد له لأنه إذا تخلف عن الحضور لن يكن أمامه أي فرصة أخرى لآداء الاختبار و يعتبر راسب.

- الالتزام بالزي الموحد المطلوب و هو :

* قميص أبيض سادة نصف كم

* بنطلون أسود سادة

* حزام أسود سادة

* جوارب سوداء سادة

* حذاء أسود سادة ( جزمة )

- الاختبار كما ذكرنا هو مقابلة شخصية فيجب أن يكون الطالب واثقاً من نفسه تمام الثقة و يتحلى بالهدوء و عدم القلق.

- يجب أن يكون صوت الطالب مسموع جيداً لا مرتفع و لا منخفض.

- يجب أن يتحلى الطالب بكامل الثقة في النفس و التفكير قليلاً قبل الرد على أي سؤال أو موقف يتم سؤاله فيه.

_________________________________