فيديوهات لقفزة الثقة
اختبار قفزه الثقه ودا بيكون اختبار الزامى فى كل من اختبارات الكليات العسكريه أو اختبارات كليه الشرطه
قفزه الثقه هى أول اختبار فى الاختبار الرياضى كله
وبعدها اما تكمل اختبارك الرياضى لو عديته , أو مش هاتكمل الاختبار الرياضى , ويبقى مشوارك فى التقديم انتهى دا فى حاله ( عدم اجتيازك لقفزه الثقه ) لا قدر الله
و الاختبار دا عبارة عن قفز بالأرجل من برج حمام السباحة على إرتفاع ( 7.5 متر ) بعد صدور الأمر بالقفز في خلال 3 ثوان و بدون أي تأخير أو تردد و إلا اعتبر الطالب مقصر في الاختبار و ليس له أي فرصة أخرى.
- وتقييم الاختبار :
- إما مضى ( نجح ) - أو قصر ( فشل )
طيب أجتازه إزاااى ؟؟
بصراحه بستغرب لما كنت بسمع ان فيه ناس بيرسبوا فى الاختبار دا , لكن لما شوفت بنفسى لقيت فعلاً كتير بيرسبوا فيه ومابعرفوش يجتازوه . وزى ماموجود فى اول الفيدو واحد بردو اتردد ورسب فيه بسبب التردد والارتباك .
وعلشان كدا انت اوعى تتردد وانت واقف فوق . اعرف انك مش هاتتأزى ابداً وانها سهله , وانك بعد القفزه هاتبقى سليم ومافيهاش اى ضرر , بس ابعد عنك التردد , واقفز بقى بأى شكل , المهم انك تقفز .
