بسم الله الرحمن الرحيم
التهارده هكلمكم عن الاختبار الرياضى اول مابتدخل من باب الكليه الحربيه بتسلم موبايلك وبيبقى معك شنطه فيها لبسك الرياضى بتتفتش وتقف فى طابور كبير ولازم تاخد معاك صوره شخصيه وبيسلمك ورقه بتروح لواحد قاعد على مكتب كد بيدبسلك صورتك فى الورقه وبيخليك تبصم على صورتك وبعدين بتروحو ف مكان زى صحرا كدا وواحد بيجى يقولكم اللى مش قادر يختبر النهارده ممكن يروح ويجى بكره وبعدين بيقسمكم 3 مجموعات اللى مش بيعرف يعوم واللى هيعوم 25 متر واللى هيعوم 50 متر وبعدين هيلف عليكم واحد يكتبلك رقمك الرياضى على ايدك دا غير رقم القيد خالص وبعدين هيقولكم روحو الحمام غيرو هدومكم بتروحو وبتسيبو الشنط هناك وبتروحو قاعه كبيره بيشرحلكم كل الاختبارات اللى هتعملوها وبعدين بتطلعو من القاعه تقفو ورا بعض وهيبقى فيه اتوبيس قدامكم اول ما يصفر كلو يجرى ورا الاتوبيس ودا اختبار الضاحيه بيبقى مسافة1500 متر واللى بيوصل فى زمن من6د-6.5 بياخد مركز اول ومن6.5-7 بياخد زمن تانى ومن7-7.5 بياخد زمن تالت والاول بياخد 40درجه والتانى30 والتالت20 وبعدين هيطلب منكم انكوتروحو تلبسو المايوهات عشان قفزة الثقه ودى بقى اصعب حاجه لانك لو مقفزتش هتسقط حتى لو جايب درجات نهائيه فى كلو وبعدين هيطلب من اللى هيعومو25 متر انهم يقفزو الاول وكل واحد له 3 ثوانى اول لما يقولك هب بتنط من غير تردد واللى هيعومو25متر هيقفزو ويكملو سباحه لحد نص الحمام وكدا هياخدو 10درجات وبعدين اللى بيعرفو يعومو هيقفزو ويطلعو من الحمام ويروحو عند اول الحمام هيترتبو مجموعات وكل مجموعه8 ولما يسمعو الصفاره هينطو ستارت ويعومو50متر واللى هيوصل فى زمناقل من 60ثانيه هياخد20درجه اما ازيد من دقيقه هياخد 15درجه وبعدين هتروحوبقى تغيرو المايوهات وتلبسو لبس اللياقه تانى وتروحو عشان سباق ال100 متر جرى اللى هيجيبو فى زمن اقل من 14ث هياخدتقريباّ 10 درجات وهيقللو كل لما تزيد ثانيه وبعدين اختبار التوازن بتمشى على خشبه كدا على ارتفاع 120سم من الارض وهتروح وترجع عليها لو عملتها تاخد ال10 درجات وبعدين هتروحو على اختبار البطن هتعمل 40 بطن فى زمن دقيقه ونص بس اقل من 15 مش هتاخد ولا درجه ولو عرفت تجيب اكتر من 40 هتاخد تفوق رياضى بس نفس الدرجات وبعدين العقله بقى ودى بقى لازم تفرد ايدك للاخر ولو جبت اقل من 4 بتاخد صفر اما لوجبت 4 بالظبط هتاخد 16 درجه ولو جبت العشره اللى هما عايزينهم هتاخد40 درجه ولو عرفت تجيب اكتر من 10 هات عشان يكتبلك تفوق رياضى بردو وبعدين بقى الظغط نفس الحكايه زى البطن اقل من 15هتاخد0 ولو جبت ال40 هتاخد 40 درجه ولو ازيد بردو نفس الكلام هينكتبلك تفوق رياضى فى الضغط وبعدين هتروحو تقعدو ف حته زى مدرجات الاستاد كدا على مايرصدو الدرجات بقى ويشوفو مين درجاته هتنجحه ومين مش هينجح وهيجى ينادى شوية اسماء هيقلهم البسو هدومكم وروحو واللى باقين هيقول لهم على معاد الاختبار النفسى بس مش هتعرف درجتك فى الرياضى الا يوم الهيئه
